هـــــه‌لـــــی كـــــار

سه‌رۆكی حكومه‌تی هه‌رێمی كوردستان ڕایگه‌یاند، كه‌ زیاتر له‌ 10 هه‌زار كه‌س داده‌مه‌زرێنین و زۆرترینی دامه‌زراوه‌كانیش بۆ وه‌زاره‌تی په‌روه‌رده‌ ده‌بێ.
به‌رهه‌م ئه‌حمه‌د ساڵح سه‌رۆكی ئه‌نجومه‌نی وه‌زیرانی كوردستان له‌لێدوانێكی دا به‌ (ئاكانیوز)ی راگه‌یاندوه‌: خه‌ڵك داده‌مه‌زرێنین و له‌ بودجه‌ی 2010دا زیاتر له‌ 10 هه‌زار میلاكی كارگێڕیمان هه‌یه‌، ده‌رچووی په‌یمانگه‌ و زانكۆكان داده‌مه‌زرێن، به‌ڵام له‌سه‌ر بنه‌مای پێویستییه‌كان .
هه‌روه‌ها وتی: له‌ پێناو پرسێكی سیاسی ئێمه‌ خه‌ڵك دانامه‌زرێنین، حكومه‌ت چی پێویسته‌ به‌پێی میلاكه‌ ئیدارییه‌كان دایان ده‌مه‌زرێنین له‌ بودجه‌ی ساڵی 2010 زیاتر له‌ 10هه‌زار كه‌س داده‌مه‌زرێنین زۆرینه‌ی دامه‌زرێنراوه‌كانیش بۆ وه‌زاره‌تی په‌روه‌رده‌ ده‌بن